.................. وقالى جدى ................
وقالى جدى
خلى الحيـــــــــــــاة زى المطيه
اوعى تخون مين امنك
وان يوم قدرت اعـــــطى العطيه
ولا تفتكــــر دى قدرتك
الرب قادر ياولــــــد يغنى البريه
ويحوجك ولاتدرى فينها سكتك
اصل الشباب بيت الغرور
حاسس بقـــــــــــــــوة ركبتك
واما الزمن عليك يدور
اسألنى فينـــــــــــــها مروتك
ازرع لقبرك نخــلتين
حبة صلى او حجتين
يمكن يفــــــــــــيدوا بوحدتك
والطيب احسن م الشقى
بتنام ومــــــــــــــالى مخدتك
اما الشقى لو تعرفه
اوعى تصاحـــــــبه ف سكتك
ماله حرام اكله حرام
واذاى تأمن مين جهر
بالكــُــــــــــره و انت بشدتك
خلى لنفسك مليـــون سبب
طيب النفوس فيها العجب
وقت تكون هتفترى
بتحد حــــــــــــــــــدة حدتك
واوعى تآمن للعــــويل
ان اشتراك وبدون تمن
بكره هياخــــــــــــــــد حتتك
وتكون بشارع منطوى
كل الكــــــــــــلاب بتســودك
ونسيت كلام جــدى انا
لما وقعــــــت ف الانا
مابقيت مصـدق ان انا
وقف الطريق منى هنا
والكل اصبح ليك عويل
تركوك بعـــــــــــــز شــدتك
ياجد جيتــــلك اعترف
قلبى من الــــهم قرف
والكل من مالى غرف
ووقت جات مذلتى
كله بعـــد منى وقرف
ياريتنى عشــــــــت بحــدتك
ياجد كله بتاجـــــر بالبلد
باعوا الضمير قتلوا الولد
ووقت مطلــــــوب الجلد
كله هرب
ياريتنى كنت بحكمــــــــــتك
ياجد الدنيا كومة قش ونار
بيولعوها عيــــــــال تجار
وان يوم سألت بحق الجار
بيطلعوك من قلـب الــدار
والدم ارخص م الكرتون
والعيشه دم وغــــــم ونار
بس اقولك انى وحيد
واهى جات نهاية المشوار
وسعلى حبـــــــــــــه بفرشتك
ماهو انت جدى خليك حضنى
وبلاها دنيا او سُمــــــــار
...................... احمدعامر ..........................
ننوه ان ماينشر حق مسجل بالهيئات المنوطه بذلك 3951014/2017 س م ب
ليست هناك تعليقات:
إرسال تعليق