قريبا انتظرونا
............... دم الشهـــــــــــيد ..................
دم الشهيد اللى روى
الارض من قبل المطر
حامى البلد وعرضها
عشان نعيش من غير خطر
ابنى الشهيد بودعه
وقلبي فيه مليون الم
والابن غالى
والــدم غالى
اما الوطن اغلى الغوالى
مهما هندفع من تمن
وبدمع عيـــنى
يانن عيــــــنى
بودعك
ويودعك كل الوطن
وانت الوطن
دم الشهيد
هو الوطن بالمختصر
دم الشهيد
***************
الــدم دمى والهم همى
وماعدش فيه كلمة يا امى
مفيش فيا ولا سنتى
مهش موجوع
ولا أهه بخبيها
بجوة ضلوع
وبحبس بالحشى همى
وصرخة قلبى ياولدى
مدوية بصوت مسموع
فى القـــلب نار
والريق مرار
والدمع نازل
ع الخدود ولونه دمى
بحلم بأيام الصبا
وانت بايديا
واما اغيب
القاك اوام تجرى على
بس الوطن
اغلى واحلى يانورعينيا
وانت الوطن
دم الشهيد
هو الوطن بالمختصر
دم الشهيد
****************
داللى حامى تراب بلدنا
وللى واهب ليها دم
واللى صاين روح ولادنا
واللى دافع وقت هم
واللى انقذ كل بلدى
وقت ما العدو هم
يجى ينهب خير بلدنا
ويقتل بولادنا جيش بلدنا
قام سقاه المر سم
واللى دمه وبيه فدانا
هو دا المصرى ياعم
ابنى الشهيد دمى الشهيد
دم الشهيد
هو الوطن بالمختصر
دم الشهيد
........................ احمدعامر ...........................
ننوه ان ماينشر حق مسجل بالهيئات المنوطه بذلك 4510250/2017
ليست هناك تعليقات:
إرسال تعليق