............. الحــــــــــــــــــــــــــــــارة ................
وانا بالسكه بتمخـــــطر وانا ماشى
قابلـــــــــــنى كتير
غــــــــــــلابه كتير وع المـــــاشى
بمد الايد شمــــــال ويمين بمعاشى
خلص مالى ع المحــتاج وانا ماشى
فضل عيل يقولى ياعم
وممـــــــــــــــــــشاشى
واقــــــــــــــوله مفيش
لانه مفـــــــيش مـــــــــــــركبــاشى
طب اعــــــــمل ايه
صرخــــــــــت عليه وراح مـــاشى
دخلت لحاره من حاره
لقيت حمدى بصنــاره
سألته يابنى رايح فين
فقاـــــــــــــــــــــــى ايدى بطــالة
اهو هصطاد كام قرموط وشبـارة
ونتعشى بـــدل ما السـت محتارة
وراح مـــــــــــــاشى وانا مـــاشى
وعلى النـــــــــــاصيه
قاعد عــــــــــــــبده كما التمساح
وعــــــــــمرى ماشوفت
يوم بوقــــــــــــــــه قاعد مرتاح
وطـــــــــــول اليوم
قاعد يمــــــــــــــــدغ ولا السفاح
ببص علـــيه يضحكلى وقالى جعان
ضحكت ضحكه من قلبي وقلــت كمان؟
ياراجــــــــــل عيب
بقى شكـــــــلك ولا الخـــــــــرتيت
قعد يضحك ويندهلى .وانا زيـــــك
بنص رغـيـــف اعيــــــش ياعبيط
دنا بفطر بميت بيضه
وخـــــــــــبزى يجى ملو غبيـــــط
قعدت اضحك واتنطط وانا ماشى
ببص بعينى
لقيت عـــــــــركة على الميــة
مابين سعـــاد ام احمد وسعدية
وصوت ينـدة لقيتها خالتى نبويه
صباح الخـــــــــــــير ياخـــالة
ايه الحـــــــــــــاله؟
قالتلى زفت يامعــــلم وميــالة
حكومه هباب
ولا ميـــــــــــــــه ولانخـــالة
ياما نفسى
اشوف واحــــــــد هـنا منهـــــــــم
ورحــمه امى بالشبشب وابهـدلهم
وانا ميت من الضحكه
وعامـــــــــله زعيمه ياخاـــــــــلة
ولابسه هـــــــــــدوم بسيـــــــــالة
قالتلى وإيه يعنـــــى يا ابن الكلب
دنا مــــــــــره قابلت جمال
وماشى معـــــــــــــايا خيــــــــالة
قعدت اضحــــــــك وجيت ماشى
قابلنى مصطـــــــــــــــفى الاحول
وقالى هاتلى نص جنـــــية
هتعمــــــــــــــــــــــــل اية؟
عاوز اركب على الترماى
يطس الريـــح علـى عينى
فيعـــــــــــــــــــــــــــدلها واتحـول
عــــــــــــــنين نــــــــــورا -
داحقا صحيح تكـون شوره
قعـــــــــــــــــدت اضحــك
وجيت مــــــــــــاشى وراح مـــــاشى
ووسط الحته يامعلم نفـــــر تانى
محـــــــــــــــــــــمد ابن يحياوى
بيجزر كل يوم عجلين ومخاوى
ينادى تعالى يا استاذ ونفعــــــنا
اقول غاليه ياعم الحج وماشبعنا
يروح ضاحـــــــــــــــك وانا مــــاشى
واهـــــــــى حاره بها الـــدنيا ودواره
وناس عايشه على الهامش ومحــتاره
وليه ناســـــــــين شباب ميت
وناس تايه وبيــــــــــت ضيق
ولاحكـــــــــــومه ولا نيله وياخســاره
وناس بالبـــــــــورش ديســــنا
واحنا نجــــــــــــــــــــــوع وندبهتل
وناس تســــــــــــرق وتهمنـــا
عيشه تجـــــــــــــــــنن وشىء يهبل
ودى حارتى وكل بلادى بحــــوارى
وانا غــــــــــــاوى اكلم ناس وأخاوى
واروح اضحك واتكلـــــــم وانا ماشى
عيشه نيــــــــــله وحتى النيله يامعلم
هههههههههههه ما مشـــــــــــــياشى
وانا بضحـــــــــــــــــك واروح ماشى
..................... احمدعامر .....................
ننوه ان ماينشر حق مسجل بالهيئات المنوطه بذلك 22998104/2017 س م ب
ليست هناك تعليقات:
إرسال تعليق