................. ليــــــــــه يابشر ....................
وايه جديدكم يابشر
خلوا البلاوى تتنشر
وبلغوا كل اللى غاب
ووعوا كل اللى حضر
ان ادبحت بظلمكم
مع ان دمى دمكم
فيكو اللى باع
من غير وداع
وبينتظر
ف دمى يقبض التمن
ومهموش حكم الزمن
انه فيوم
ممكن يكون زى انا
يلقى الصحاب ما بتأتمن
ليه . ليه --- . ليه يابشر
*******
ليه يابشرفيكوالحرام
بقى شـــــــــــــــــىء بسيط
ولسان طويل مع محترم
والحب ديمــــــــــــا للسليط
اما الامين مهما عمل
او شالكوا يوم زى الجمل
بعرفكم بيكــــــــــون عبيط
وبتضحكوا تتريقوا
ولاتحمدوش يوم ربنا
وتقولوا دا من دمنا
ولولاه بفتره من الزمن
واهتم بينا وضمنا
لااسم كان هيكون لنا
ولا لينــــــــــــــــــــا سيط
ليه . ليه --- ليه يابشر
*******
ليه يابشر الدم فيكو
بقى شىء مهــــــــــــــــان
واما الغلابه بعرفكم
زى الفـــــــــــــــــــــيران
كل التجارب تبتدى
وبايد وسيــــــــــــــــــــط
فيكو اللى باع من لحمنا
وشرب معـــاه من دمنا
وباع تراثـــــــــنا وزلنا
واموال كتير جوا البنوك
كان التمن من عرضنا
والبيه حرامى ومحترم
وبقــــــــــــــــــاله سيط
يلعن ابوه اللى سرق
من دمنـــــا لما شنق
يلعن ابوه اللى حكم
وف عهده وطنى اتحرق
يلعن ابوه اللى اتستر
وساب اخوه لماغرق
وقطعـــــــــــــــله خيط
كل البلاوى مننا
واللى فرق انى عبيط
.................... احمد عامر ........................
ننوه ان ماينشر حق مسجل بالهيئات المنوطه بذلك 8871050/2016 س م ب
ليست هناك تعليقات:
إرسال تعليق