أأصل بلاد الكون للشاعر احمدعامر

......... أأصل بلاد الكون .........

أكبر دمار للبلد

خاين تراب ارضه

واللى يخون الوطن

يلقى العدا صدمه

يعيش ذليل الوطن

أصل الغدا فطنوا

اللى يخون الوطن

اللى ف تربها اتولد

ملهوش أمان عندهم

يلقى العدا عدمه

واللى يبيع الضمير

عن جهل اوللغير

يهين كبار بلده

يبقى ملهوش كبير

واللى ملهوش كبير 

يحرم عليه ولده

وانا بلدى فخر العرب

وأأصل بلاد الكون

مبخفش او اضطرب

مهما العدو يكون

ومصر ضهر الوطن

ف الشده تكون سنده

مهما يقولوا الغجر

واللى يبيع عرضه

انا عزى من عزها

وانا دمى من دمها

عاشق كتير أرضها

مهما الكبار فرضوا

والخونه مهما علوا

لازم هينقرضوا

وهتبقى مصر الوطن

للى حفظ وطنه 

............ احمدعامر ...................

ننوه ان ماينشر حق مسجل بالهيئات المنوطه بذلك 3810/2018 س م ب

وانا صابر على جنونك للشاعر احمدعامر

................. وانا صابر على جنونك ............

انا العاشق جمال خدك

وانا الساهر على عيونك

واحط الايد على قلبك

وأخاف م الدقه لتخونك

فابص لعينك الحلوة

احس بعشق بيصونك

واحس ف قلبي 100 دقه

ووخدانى على جنونك

واغمض عينى وافتحها

احس الكحله برموشك

فأغمزلك بطرف العين

الاقى البسمه بشفايفك

ولمعة عشق ف عيونك

وتنهيده بتهمسلى وانا شايفك

انا روحك انا قلبك انا نبضك

وصعب اعيش انا بدونك

وأخدك جوة احضانى

احس برعشه من جسمك

بتسرى بكل وجدانى

الاقى الدمعه فوق خدك

والاقى بلالها فوق خدى

تاخدنى الأهه تقسمنى

امد الايد على عيونك

وأسأل مالها نور عينى

تجاوبى انك العاشقه 

وانا حبى على أدى

فأضحك ضحكه من قلبى

ومقدرشى على لومك

تروح الموجه وتعدى

واحس الضحكه بعيونك

بحبك حب مش عادى

ومالى قلبى وظنونى

وظنى إن انا العاشق

وشايلك بالننى وعيونى

وصعب اعيشها من دونك

يابنت الايه ياجنانى

وانا صابر على جنونك

............ احمدعامر ....................

ننوة ان ماينشر حق مسجل بالهيئات المنوطه بذلك 55201/2018 س م ب

كان لى ست جميله جدا للشاعر احمدعامر

.......... كان لى ست جميله جدا .............

كان لى ست جميله جدا

طيبه ف كل الحاجات

قلب نابض بالمحبه

ايد سخيه ف الهبات

لسه فيه الذكرى منها

لسه بينا كتير حاجات

لسه ابنى ولسه بنتى

ولسه لمة البنات

صح بعدت او بعدنا

صح سكتت جات سيريتنا

لما كل الناس خانتنا

غيرت كل السمات

بس لسه فيه حاجات

لسه ذكرى ليل ودافى

لسه ذكرى لود صافى

لسه كلمه ف يوم قالتها

وانا بضحك من سكان

لسه ذكرى الهمس بينا

لما نسهر بالساعات

كان لى ست جميله جدا

بس تاهت ف الحياة

بدلوا فيها المشاعر

فوا ف ايديها المشاعل

بدلوها لحد باهت

والبراءه فيها تاهت

والكلام قتل السكات

بعد ماكنا بسعاده

كل شىء جوانا مات

بس لسه فيه حاجات

لسه نبضه ف قلب قلبى

لسه نبض الذكريات

واما عمرى فات وعدى 

مش هنبكى ع اللى فات

بس يعنى فيه نصيحه

للصبايا والبنات

اللى تخرج سر بينها

واللى تفضح ستر بيتها

مافى شىء بالكون يغيتها

لما جوزها الحى مات

تبقى لعبه للقاعد 

واللى مارر واللى فات

مهما تعمل طول حياتها

راح هتبكى من سكات

كان لى ست جميله جدا 

بس تاهت ف الحياة

............... احمدعامر ................

ننوه ان ماينشر حق مسجل بالهيئات المنوطه بذلك 34710/2018 س م ب

شىء محتمل للشاعر احمدعامر

>>>>>> شىء محتمل >>>>>>>

شىء محتمل

انك ف مره تنكوى بنار المرار

شىء محتمل

ان الوجع جوه القلوب يصبح نهار

وان الحياة رغم الوجع

ترجع تعود

يمكن بنحلم م الاسى

على حب راح بس اتنسى

بعد ماكنا بنعشقه 

راح م الوجود

جات الاهات من غلبنا 

نست الوعود

مش هسألك 

مين اللى باع مين اللى جار

مين اللى حول حبنا لمرار ونار

يمكن ف مره نوحشك ترجع تعود

شىء محتمل

*********

شىء محتمل

بعد الوداع يجى اللقا

أو ينهى مابينا القدر

شىء محتمل

نبعد بعيد بعد السما

ويكون قدرنا اللى اتسطر

ساعتها بس ميهمنيش

ايه اللى قسى قلبنا

اومين مكسر صلبنا

اومين شرى اومين غدر

او امتى ممكن يوم نعود

مش هسألك 

مين اللى باع مين اللى جار

مين اللى حول حبنا لمرار ونا

يمكن ف مره نوحشك ترجع تعود

شىء محتمل

*********

شىء محتمل

ان الملامه تنتهى

والقلب يملاه العمار

شىء محتمل

ان الحياة راح تنتهى

قبل مايحضنها المرار

بس اللى حسه وبعلمه

ان انت اجمل م الوجود

وانا بعشقك

وقلبى ليك ومسلمه

ولسه بحلم يوم تعود

مش هسألك 

مين اللى باع مين اللى جار

مين اللى حول حبنا لمرار ونار

يمكن ف مره نوحشك ترجع تعود

شىء محتمل

............. احمدعامر ....................

ننوة ان ما ينشر حق مسجل بالهيئات المنوطه بذلك 9310/2018 س م ب

يارب للشاعر احمدعامر

وبحس انى فى هواها بدوب للشاعر احمدعامر

.................. وبحس انى فى هواها بدوب .........................

وبحس انى فى هواها بـــــــــــــــــدوب 

وبحس انى بالكلام صــــــــــــامت

وتهزنى ريح الهوا ويــــــــــــــــــــــدوب

هنطق الاقى الكلام باللسان ساكت

لاكنت يوم عاشق ولا صاحب ولا محبوب

ولا كان ببالى الهوى ولا الحواس فاقت

حسيت بانى تايه وحيران ومجــــــــذوب

بحبها وكأن ريح الهوا للفؤاد ساقت

كل الحنان لقلبها وحسها المحـــــــبوب

والنفس عاوزه تقول لكنها خافت

تنطق بحبك تفهم الكلمه بالمقـــــــلوب

وتحس نفوس الناس بالهوى شاخت

ويمر بينا الزمن باسوته لاغالب ولا مغلوب

واللى بينسى الهوى فادنيته هافت

كل الامانى والامال بتجتمع وتــــــــــدوب

لو يوم نسينا تحس ان الحياة فاتت

وان الزمن غلب الجدع لوحتى كان بيدوب

ويرمى عليه المشيب وزهوته ماتت

ماهو اصل الزمن معلوم ومحســــــــــوب

تمر عليك الثوانى تلقى السنين فاتت

ولسه تحلم بانك ذكى وموهـــــــــــــوب

تلقى غباءك وصلك للتراب والموت

بدون ماتحس بالحياة ويــــــــــــــــــدوب

تصحى تلاقى الحياة ماتت

اصل الحياه هى الحب والمحـــــــــــبوب

من غيرهم تلقى الهموم سادت

واللى يجيله الهوى وينكر المكــــــــــتوب

بكره هيندم لما يلاقى القلوب تاهت

واللى بيعشقك وشايفه كله عـــــــــيوب

تلقى عيوبه اتبدلت وقلوب عليه دابت

وبحس انى فى هواها بــــــــــــــــــدوب

وبحس انى بالكلام صامت

وتهزنى ريح الهوى ويــــــــــــــــــــــدوب

هنطق الاقى الكلام باللسان ساكت

.................................. احمد عامر ................................

ننوه ان كل ماينشر حق فكرى مسجل بالهيئات المنوطه بذلك

مين يشترى قلبي للشاعر احمدعامر

............ مين يشترى قلبي ..........

مين يشترى قلبى 

ويبيعلى قلب جديد

مفهش طيبه ودفى

ومفهش أى وريد

قلب يكون من حجر

ومبطنه بحديد

والدم فيه إنصهر

مابين حجر وجليد

والحب لو جواه

ولا مرة ينطقها

لا يحس مره بآه

ولا يوعى منطقها

مين يشترى قلبي

*******

مين يشترى قلبى

ويبيعلى قلب جديد

لايحس يوم بالعفى

ولا قيمة المواعيد

ولاعهد له ولا وفا

والرحمه منه بعيد

وإن ذكروا يوم الجفى

بيكون له فرح وعيد

ويعيش عشان نفسه

ميهمهوش غيرها

وإن يوم كره نِفسه

يقوم يغيرها

مين يشترى قلبى

*******

مين يشترى قلبى 

ويبيعلى قلب جديد

ف الشده يصبح قوى

وف الضعف يبقى شديد

لايهمه حد انجرح

ولا حد رأيه سديد

والخلق لويوم بكت

يصبح بكاهم عيد

واللى يجوع يخفى

أهم شىء حاله

والخلق لو تحفى

مايهمه احواله

مين يشترى قلبى 

ويبيعلى قلب جديد

............. احمدعامر ..............

ننوه ان ماينشر حق مسجل بالهيئات المنزطه بذلك 2810/2018 س م ب

هو الحبيب محمد للشاعر احمدعامر

هى دى كل الحياة للشاعر احمدعامر

............... هى دى كل الحياة ..............

قالوا الضمير ملهوش وطن

قلت الحياة فيها العجب

اما الحبيب لو ناى شجن

الحب له مليون سبب

يمكن يكون ناى وانكسر

جعله الفراق أجمل وثن

واللى فاكر 

بعد موته يكون له ذكرى

يبقى واهم

والحقيقه القطر فات وقت موتك

يعمل ايه دهن المراهم

بس يمكن تبقى ذكرى لعلم نافع

او لابن نظيف ويافع

اولعلم تكون كتبته 

منفعه للناس وشافع

اما غيره الكل واهم

والكلام فيه الأدب

قولى جدك لسه فاكره ولا ناسى

قولى ابوك لما مات

لسه فاكره ولا ناسى

دا الحياة زى الروايه

محتمل فيها المآسى

مره تبقى حبه فوق حبه تحت

والحياه لعبة كراسى

زى موجه ف بحر هايج

والسفن ملهاش مراسى

قاعده تطلع مره فوق مره تحت

زى رجك للإرب

هى دى كل الحياة

كن مؤدب لما كله يبقى فاسد

كن لنفسك يوم أداة

إوعى تضعف اوتكون درب المفاسد

كن مدهب زى عنقود العنب

اللى عاجب كل خلقه

من حلاوته الكل زاهد

انه يقطف منه حبه ينتهى صنف العنب

اعمل الخير لو هتقدر

اوسكوتك يبقى خير

اوعى تشمت وقت تقدر

يجى ضعفك يشمتوا بالضعف غير

والحياة خد وهات

مرة تقوى ومره تضعف

واما تقوى الكل طايعك

واما تضعف ..... تصبح بخير

.............. احمدعامر .................

ننوة ان ماينشر حق مسجل بالهيئات المنوطه بذلك 88410/2018 س م ب