عارفك حلوة وكدابه للشاعر احمدعامر

.........عارفك حلوة وكدابه ...........

انا عارفك حلوة وكدابه

وكلامك نصه كدب ف كدب

مش راضيه تعطينى علامه

تتعرفى وخايفه من الرد

وانا برضه بحبك وبريدك

لا وحبك زايد ع الحد

بس انتى واقعه خالص

بتحبى الواد ده خالص

مجنونه برضه خالص

وانا عارفك حلوة وكدابه

*********

ومهما طلعتى او كنتى

انا قلبى شاريكى

لو خايفه ملامه او كنتى

ولاحد شريكى

من يوم ماقابلتك ولا هونتى

وانا قلبى معلق بيكى

بس انتى واقعه خالص

بتحبى الواد ده خالص

مجنونه برضه خالص

واناعارفك حلوة وكدابه

**********

وانا عارفك حلوة وشقيه

مجنونه بينى وبين نفسك

وبجد بقلبك حنيه

بتجنن حتى من همسك

وانا هفضل احبك ياصبيه

دا انا قلبى دايب لو لمسك

بس انتى واقعه خالص

بتحبى الواد ده خالص

مجنونه برضه خالص

وانا عارفك حلوه وكدابه

.................. احمد عامر ...................

ننوة ان ماينشر حق مسجل بالهيئات المنوطه بذلك 65480/2018 س م ب

شهقة هوى للشاعر احمدعامر

............. شهقة هوى ...................

مهما قويت

صخر الجبل نفسه هوى

مهما عاليت

منتش هتعلى عن السما

بس النفوس إجننت

جالها الغرور صابها العمى

أصل الغرور صفة الإله

مين نافسه فيه بينكوى

والكل عامل سور وبيت

واتهدموا لما إنطوى

والعمر راح من زهوته

صبح الجسد حفنة هوى

فين الغرور ياعمنا

ياما سقيت من دمنا

أما النهارده منكسر

ميقوموش طنين دوا

بص وسالت دمعته

لملم نحافته بهدمته ثم إنزوى

بقى الحياه هى كدا

دنيا غاروره ومهمله

فيها اللى عاش برحمته

وفيها اللى داب لما عوى

والكل مِلك ربنا

والكبرياء لربنا

أما الكرامه وعزنا

لو الإله

بالمغفره عنا نوى

إمتى الخلايق تتعظ

إن الحياة حفنه تراب

شهقة هوا

............ احمدعامر ..........

ننوة ان ماينر حق مسجل بالهيات المنوطه بذلك 65210/2018 س م ب

عز الولد عزونه للشاعر احمدعامر

ايها الاخ المواطن للشاعر احمدعامر

..................ايها الاخ المواطن ...................

ايها الاخ المواطن

اللى عايش واللى قاطن

ارض مصر

خلى بالك م البواطن

ف الكلام او ف المًواطِن

اللى عادوا اهل مصر

اللى كل كلامها باطل

واللى قالوا كلام وعاطن

عن ولادنا جند مصر

اللى صابر واللى فاطن

للى قاطن جوة جحره 

بأرض مصر

واللى دوقهم مراره

لما صرخوا واستجاروا

ع الحدود لارض مصر

ايها الاخ المواطن

اللى راقد واللى باطن

ع السرير جوة عشه او بقصر

انتبه لجيش بلادك

اللى ساندك دول ولادك

واللى حامى ارض مصر

واللى كبر وسط سينا

واللى قدم دمه لينا

لجل نحصد الف نصر

ايها الاخ المواطن

اللى بصرخ من غلاها

واللى ساند مين عداها

بالكلام عن اهل مصر

ايها الاخ المواطن

اللى وقت الشده ماطل

واللى ساعد اى قاتل

قولى ايه بس اللى فاضل

لما انت خونت مصر

البلدى مش حكومه او رئيس

او شويه مايه حابسها الهويس

اوو مسلسل له بدايه وله فواصل

البلدى الله حاميها

واللى فاطن قول معايا تحيا مصر

............... احمدعامر ....................

ننوة ان ماينشر حق مسجل بالهيات المنوطه بذلك 15950/2018 س م ب

الصحاب والحبايب للشاعر احمدعامر

.......... الصحاب والحبايب ............

الحبايب

واللى كانوا ف يوم حبايب

والصحاب

واللى كانوا ف يوم صحاب

واللى خلوا

القلب فيهم مرة دايب

واللى 

رفعوا عن عيونا الضباب

واللى ساعدوا بوقت ضيقه

واللى صدقوا لما جينا للحقيقه

واللى 

وقت الشده دافعوا عن الصواب

100 سلام . والكلام

الكلام ده من قلوبنا

والسماح للملاح

والسماح لو مره عيبنا

وف قلوبنا 100 محبه

ع الساعات والليالى

والثوانى والدقايق 

اللى لسه عايشها بيكوا

بقلب رايق

هفنكرها 

حتى لما اعيشها شايب

100 سلام ياحمام للصحاب

للصحاب والحبايب

................. احمدعامر ...................

ننوه ان ماينشر حق مسجل بالهيئات المنوطه بذلك 9460/2018 س م ب

وانا انسان للشاعر احمدعامر

واهى أيام وهتعدى للشاعر احمدعامر

................ وأهى ايام وهتعدى .................

واهى ايام وهتعـدى 

واصعب منها عدى وفات 

وياما هجـرنى 100 مره 

وجرحنى ياما كتير مرات 

وابكى لهجـره واتألم 

والشوق بيصـرخ فى اهات 

ولا عمر قلبي بيتعلم 

انه يخاصمه حتى ساعات 

واهى ايام وهتعدى 

********

صحيح ياقلـبي بتتعلم 

ولا ف عــذاب وبتتألم 

ردعلى بقـى اتكلم 

هو الحنين لحبيبك مات 

ولا كلام ادام الناس 

مبيعرفوش معنى الاحساس 

ويركبـوك مليون وسواس 

وانت ما تسـمع زمبلم

مجـروح ولسه بتتعافى 

ولا الدموع الشفافه 

ع الخد سـايله وبيها اهات 

واهى ايام وهـتعدى

*************** 

اصبر ياقلبي ع المكتوب

وع الالم لو حتى تدوب 

هوانته يعنى مش هتوب 

تعشق وتيجـى وتتألم 

والجرح فيك مليون مرة 

اما الجراح صبحت مره 

والدم منك سال بره 

وانت لسه هتتكلم 

واهى ايام وهتعـدى 

واصعب منها عدى وفات 

وياما هجـرك 100 مره 

ولا عمرك انت هتتتعلم 

انك تخاصمه حتى ساعات 

واهى ايام وهتعدى

............................. احمد عامر ...........................

ننوه ان ماينشر حق مسجل بالهيئات المنوطه بذلك 551004/2015 س م ب

موشح عشان خاطرك للشاعر احمدعامر

موشح

......... عشان خاطرك ............

قاعد ادارى بأوجاعى

والدنيا هاينه عشان خاطرك

واقول شويه يعود تانى

اصلك حبيب ومعاك عذرك

وتمر ساعه وراها ساعه

وانا لسه قاعد بمكانى

دمعت عيونى النواحة

شكلى هشيخ قبل اوانى

أه منك انت وأه يانى

ودا كله بس عشان خاطرك

*********

قاعد ادارى بأوجاعى

والدنيا هاينه عشان خاطرك

واقول شويه يعود تانى

اصلك حبيب ومعاك عذرك

شمس هواك سطعت فيا

فبقيت ملامحى وافكارى

والخوف هواك يقسى على

تخلص معاك كل اعذارى

وانا لسه قاعد بمكانى

شكلى هشيخ قبل اوانى

اه منك انت واه يانى

ودا كله بس عشان خاطرك

*********

قاعد ادارى بأوجاعى

والدنيا هاينه عشان خاطرك

واقول شويه يعود تانى

اصلك حبيب ومعاك عذرك

قالوا الهوى بيزيد حسنك

وانت بهوايا ولادارى

وبيحسدوك لو اجيب سيرتك

والشوق ف قلبى ومدارى

وان كنت عاوز تلقانى

انا لسه قاعد وبدارى

اه منك انت واه يانى

ودا كله بس عشان خاطرك

................ احمدعامر ..................

تتوه ان ماينشر حق مسجل بالهيئات المنوطه بذلك 3470/2018 س م ب

واسألوا الناس الغلابه للشاعر احمدعامر

......... واسالوا الناس الغلابه .........

اسألوا الناس الغلابه

يعنى معنى السياسه او الرياسه

او المواطنه بالبلدى او الكياسه

راح يقولك بإنتكاسه

الديابه . خلو كل حياتنا جمرة

م النجاسه

خلوا سوءالدنيا فرض

م الخباثه

وانتكاسه

لما فرحوا مره يوم

الف يوم عاشوا التعاسه

************

طب اسألوا الناس الغلابه

يعنى ايه معنى الحرامى

اللى سارق قوت ولادنا

واللى عالنا

واللى جن ام رامى

اللى رامى بكل همه

ع الظروف

واللى داق المر علقم

م الكفوف

واللى عاش كل عمره

عذاب وخوف

لما تسأل يستهجى بس اسمه

ينسى ترتيب الحروف

طب اسألوا الناس الغلابه

عن الحياة

اللى ضيع فيها عمرة لما تاه

واللى ودا عياله تحرس القناه

واللى وقت الضعف 

يبقى م الجناه

مين معاه؟

لما ابنه يكون شهيد

واما يسرقنا الحماه

واما إبنه يعوز لحاجه

وهو قاعد مش معاه

والحرامى عاملى باشا

والغلابه رتوش حياة

طظ ف اللى يبيع بلدنا

طظ ف القاتل ولادنا

طظ فيهم 

لما يبقى خير بلادى للولاه

لوتحلوا الدنيا انظف

البلدى لابد تنظف

م اللى خلوا الدنيا غابه

واسالوا الناس الغلابه

............ احمدعامر ...............

ننوة ان ماينشر حق مسجل بالهيئات المنوطه بذلك 50409/2018 س م ب

اوتدرى للشاعر احمدعامر

لازلت احبك للشاعر احمدعامر

وانا ببكى لما للشاعر احمدعامر

........... وانا ببكى لما ..............

وانا ببكى لما 

الحب مات

والدنيا لامه 

حبة حاجات

فيه حاجه لامعه

وحاجه دامعه

وحاجه تقفل كل الجهات

وناس قليله 

بوشوش جميله

تسند وتثبت وقت الشتات

وناس كتيره 

لكن عويله

وضميرها مات

وانا ببكى لما ياعينى لما

الصدق مات

*******

فيه شىء ف نًفسى

وانا كان ف نِفسى

أفرح بيومى

واشتاق لآمسى

شوفت الحقايق

تعبتلى نِفسى

يعمل حبيبك ويكون ملاك

وقت الشدايد يصبح هلاك

تلقى الخيانه 

شىء بالتراضى

يشمت ويجرح

وانا برضه راضى

واصبر وأمنى

نفسى بحاجات

واناببكى لما ياعينى لما

الصدق مات

*******

اه يامرارى 

واللى جرالى

على ايد حبيبى 

وأهو كله فات

فيه شىء ف قلبي

نابض باسمه

منقوش برسمه

ليوم الممات

فيه حاجه حلوة 

رغم المرار

لسه بحسه وعليه بغار

لسه بشوفه 

احلى الحاجات

وانا ببكى لما ياعينى لما

الصدق مات

............. احمدعامر .................

ننوة ان ماينشر حق مسجل بالهيئات المنوطه بذلك 88100/2018ٍ س م ب

وفى الحياة قلوبا للشاعر احمدعامر

صباحك معطر للشاعر احمدعامر

مصر بلدى للشاعر احمدعامر

........... مصر بلدى ................

مصر بلدى ونور عيونى

مهما جحدوا أو لامونى

أصل روحى فيها ماتت

مهما قتلوا وعذبونى

برضه حى على الفلاح

مصر روحى ومش أيافه

اوكلام وكتير هيافه

ياما قالوا عليها ضاعت

وانتهت منها النيافه

واحنا بندوق النجاح

مصر صبر وزوق وقوة

كاسرة هامة الفتوة

والشهيد بالارض ثابت

علم الناس المروة

علم الدنيا الكفاااااااح

مصر ايد الله بأرضه

بالحروب بتأدى فرضه

لما كل العُرب تاهت

هب جيشها يصون بعرضه

لما نور الصبح لاااح

مصر نور الشمس فيها

حارقه كل اللى يعاديها

ولوطنها دفاع وثابت

وقت شده بناديها

تحمى كل غريب ونااح

مصر بلدى وردة بلدى

بهديهالك يا ابن بلدى

فيها رحمه كتير وفاحت

صاينه بنتى ويا ولدى

واحلى مافيها السمااح

قول وردد من وريا

مصر حى على الفلاح

............... احمدعامر ..................

ننوة ان ماينشر حق مسجل بالهيئات المنوطه بذلك 22207/2018 س م ب

النصر جاى وهننتصر للشاعر احمدعامر