والدنيا زى اليمامة للشاعر احمدعامر

............. والدنيا زى اليمامه ................

والدنيا زى اليمامه

طايره بسكتها

ومهمهاش الجبل

أو شمس ضايقتها

فضربها سهم الهوى

نسيت ببات بيتها

مات الغبى ف غيها

مقدرش على كيدها

طمع الغنى بمجدها

نساه عباد ربنا

ف زحمة مواكبها

والدنيا زى الموجه

بتودع اللى افترى

واللى سبب عيبها

وتودع المحترم

اللى زرع غيطها

وبتدهس اللى ظهر

حاكم مناصبها

اسأل جدودك فين

ورثت ونسيتها

إعمل عمل ينفعك

للخلق يفتكروك

خُد من جدودك عظه

دا الأهل نسيوا ابوك

تبقى انت يامسكين

لو مت يفتكروك ؟

إوعى الغرور يحكمك

ف تتوة ببلوتها

اوعى تخون الوطن

أو م الحرام تجمع

أصل بوقت العطن

صعب العيون تدمع

وقت الحساب تفتكر

أفعال وناسيتها

والحسره فيك تهلكك

ياريت ماسويتها

يلعن أبوه اللى طمع

فى دقيقها أو زيتها

أو حتى يوم إستمع

لشيطان ومجدها

دا الدنيا زى اليمامه 

ماتت بباب بيتها

............... احمدعامر ....................

ننوة ان ماينشر حق مسجل بالهيئات المنوطه بذلك00184/2018 س م ب

وانا خايف اسأل للشاعر احمدعامر

......... وانا خايف اسأل ............

وانا خابف اسأل

ملقاش إجابه عن السؤال

وخايف اعرف

القى اللى حسه شىء محال

وخابف اسكت

يضيع معاه سهل المنال

ويضيع مابينا كل شىء

وإحنا مابينا احلى شىء

بيقربوا بينا الحياة

طب اساله ؟ 

لا لا ياقلبى 

ده شىء محال

اه م الهوى ومن لوعته

مرسوم ف قلبى دقته

واسمع كلامه بنطرب

وبموت لو اسمع ضحكته

ون عدا وقت ما كلموش

بشوف ملامحه بالوشوش

وأسأل عليه فين سكته

وأعيش ساعات وبألف حال

عاشقه أنا 

طب اساله؟

لا لا ياقلبي 

ده شىء محال

خابف ياقلبي

من الملامه أو من عتب

طب قولى ليه

اسهر واموت من التعب

وانا منتظر

يقول بحبك واسمعه

واشوف عنيه

بتبصلى وبيلمعوا

والحمره ظاهرة ع الخدود

ياااااااه

راح تبتدى تانى الحياة

معقول ياقلبي حس وسمع

ولا الهوى ده منتهاه

ولا اللى حسه شىء وزال

طب اسأله

لالا ياقلبى 

دة شىء محال

.............. احمدعامر .......................

ننوه ان ماينشر حق مسجل بالهيئات المنوطه بذلك 21380/2018 س م ب

قبل الكلام مايكتمل للشاعر احمدعامر

.......... قبل الكلام مايكتمل ............

والنهر وزع مايته

لما الجميع فيه اغتسل

حطوا الخطايا بزمته

مع انه كان زى العسل

صنعوا البلايا بجدته

ولا يوم شكى ولا يوم عزل

لما باعوة من صدمته

فتل الخيوط من دمعته

جم يغزلوة رفض الغزل

ياما صبر مع حسرته

لما اللى شارب مايته

باع القريب واعطى الغريب

مليون سبب مليون امل

لوتسأله وايه العمل

تلقى الوجوه اتغيرت

والنخوة فيه ادمرت

باع اللى باقى بعمرنا

قبل الجراح ماتندمل

ما النهر جفت مايته

ظهر الديابه على الجسور

قبل الليالى ماتكتمل

بس الحياه فيها الامل

والشمس بكرة راح تثور

ترمى بشعاعها ع الجسور

والنهر ترجع مايته

تنبت لنا كل الذهور

اما اللى باع يوم وانزوى

هنسلمه صمت القبور

قبل الكلام مايكتمل

................ احمد عامر ..................

ننوة ان ماينشر حق مسجل بالهيئان المنوطه بذلك 3690/2018 س م ب

أنا المصرى للشاعر احمدعامر

بس لسه فيه حاجات للشاعر احمدعامر

............. بس لسه فيه حاجات .............

فيه قلوب بتشد روحى

لما روحى تتوه ساعات

ببقى كاره صمت بوحى

بس ببعد من سكات

ببقى حاسس نوح جروحى

وابقى ظاهر للثبات

بس جوه القلب ذكرى 

لما كل الود مات

لسه بحلم لسه بكره

بس خايف

إن بكره ميعاده فات

وابتسم والصمت عبره

للى عايش ف الشتات

لسه بلقى أسد جوعى

بس طعم المر ذاد

أصل قلبي بيوم وقوعى

شاف أمور وكتير حاجات

شاف قرايب راح تهون

شاف حبايب راح تخون

والزمن فاض بالجنون

والقلوب الصافيه نادره

خاليه منها الساحات

بس لسه فيه حاجات

فيه قلوب بتشد روحى

لما روحى تتوه ساعات

................... احمدعامر ..................

ننوة ان ماينشر حق مسجل بالهيئات المنوطه بذلك 73490/2018 س م ب