حبات النخاله للشاعر احمدعامر

الناس الطيبه للشاعر احمدعامر

....... الناس الطيبه .........

الناس الطيبه 

بالدنيا قليله

ديما بيكونوا هامش 

ويضيعوا مننا

زى الملايكه يابا 

زى الناى والربابه

بقوا شىء قديم ونادر

بنحبه كلنا

بس الكل ناسيهم

ولاحد سائل فيهم

سكن الدنيا الديابه

نهشوا لحم الغلابه

ولاعاشوا زينا

الناس

الناس الطيبه

********

آآآآآه آه يازمن

من حدتك من اسوتك

آآآآآه كان التمن

تاه الغلابه ف سكتك

واهو كله ماشى ع الوتر

فيه اللى ناجى او بطر

وفيه غلابه بيحزنوا

ملقاش عشا او يوم فطر

والدنيا لسه معتمه

حبة ضباب وحلة مطر

واما النهار يطلع لهم

تلقى الامانى مخيبه

للناس

الناس الطيبه

**********

والرب عالم بالسما

بغلبهم لما سما

وعشان غلابه 

وشيخ عجوز

وطفل برضع 

يمكن يجوز

ربك رزقنا كلنا

خلوا القلوب مسك ودهب

زيف الحياة كله ذهب

واللى بيعطف ع الفقير

ف الاخرة بيته من دهب

والرب يكرم كل عاطى

والعاطى لينا ربنا

والناس 

الناس الطيبه

.............. احمدغامر ............

ننوة ان ماينشر حق مسجل بالهيئات المنوطه بذلك 32490/2018 س م ب

دمى انا بيحنلك للشاعر احمدعامر

............ دمى انا بيحنلك .............

دمى انا بيحنلك

رغم البعاد رغم المرار

والشوق واخدنى ف سكتك

زى الخيال وسط النهار

معرفش ليه قلبى كده

ديما بشوق بالشكل دا

يمكن يكون ألم البعاد

ولا القلوب مش ف إختيار

بس اللى حسه وبفهمه

دمى انا بيحنلك

*********

عدت سنين من عمرنا

وبننتظر فيها اللقا

هى الحياه بتهدنا

ولا الحياة فيها الشقى

بنده عليك آخر ندا

معرفش ايه آخر مدى

يمكن يروح ضوء النهار

وانا لسه واقف بإختصار

بستنظرك

وانا دمى ليك بيحنلك

*********

انا مش هعاتب

ع اللى راح او ع اللى فات

ومعدش باقى ف عمرنا

غير ذكريات حبة فتات

بس اللى باقى ف عمرنا

يمكن يكون شهر وسنه

يمكن يكون مليون سنه

بس ان رحلت بدون لقا

وعدى المرار وجه النهار

ابقى افتكرنى . 

ابقى افتكرتى

وانا دمى كان بيحنلك

............. احمدعامر ............

ننوة ان ماينشرحق مسجل بالعيئات المنوطه بذلك 678210/2018 س م ب

بلاوى الفيس للشاعر احمدهامر

............ بلاوى الفيس .............

بلاوى الفيس بقت موضه

بقت فوضى وزاد ع الحد

لاعارفين الخبر فعلا

ولابهزار ولا بالجد

وعالم وهمى متشعب

وفجأة صفحتك تتسد

وفيه اوهام على الفاضى

وكله بيشتغل قاضى

وفجأة كلامه راح واتهد

ايشى دكتور وإيشى مهندس

وايشى خادم وإيشى سامى

وإيشى مسطول وواد حامى

ولو البنت تشتمهم

بلاقى الكل يمدحها وزاد العد

وكله فصيح وبيسلم

وكله يهنى ويبارك وطالب ود

ولو قالت يا ابن الكلب

بيضحك كأنها تمدح

و100 تعليق بيمدحها دلو تسمح

عام مجنون ملوش حاكم

ومارك يلم ويحوش

وملاينه ازيد وتمد

وفيه فعلا بشر صالح

وبشرناجح ومصالح

وفيه كتير م اليشر ارتد

وكله خش بالخلاط

واهو كله ف كله يهيص

ماهى ظاطت وكله ظاط

بشر مرصوصه بالبلاليص

ودى احلى بلاوى الفيس

جميعنا ف الهبل ممتد

يلاوى الفيس

............. احمدعامر .............

ننوة ان مابتشر حق مسجل بالهيئات المنوطه بذلك 731501/2018 س م ب

هانوا الكبار للشاعر احمد عامر

مانا انسان للشاعر احمدعامر

........... مانا انسان ...............

واه 

من حبك ومن عشقك . 

بحس بروحى وياكى 

بكل مكان . 

ولو كنا بزمن تانى 

ماكان بعدك ولو سجان . 

وكنت جيت ولو ماشى . 

عشان اخدك بكل حنان . 

مابين ايدى 

وبين حضنى .

واهو 

حضنك يكون الوان . 

بحب الحب بكلامك 

وبعيونك . 

وبعشق حتى بجنونك 

ومهما كان .

فانتى المرسى والمينا 

وانتى اجمل العنوان . 

مانا انسان 

بيعشق روحك الصافيه 

وكلمة همس تكون دافيه 

وبغضب 

بس مش زعلان . 

داحبك نار بتكوينى 

وانا لسه بدون عنوان . 

ولسه الحلم بياخدنى 

ببحر عيونك الحلوه 

واخاف اصحى 

واكون عرقان 

بحبك 

بس مش عارف 

ده وطنى 

ولا دا احسان. 

قوليلى بس ياعمرى 

انا ليكى بكل حنان . 

وانى حضنك الدافى

و انا العنوان

................. احمدعامر ....................

ننوة ان ماينشر حق مسجل بالهيئات المنوطه بذلك 1013794/2018 س م ب

واما الحب بزمنا للشاعر احمدعامر

وانا بالطريق للشاعر احمدعامر

................. وانا بالطريق ................

وانا بالطريق وحدى انا

ومهمنيش طول السفر

شوفنا الحنان م المخلوقات

ومشوفناهوش من البشر

وانتى اللى لسه بتأنسى

قلبى الوحيد زى المطر

لايوم تعبتى من الطريق

ولايوم تعبتى من السهر

******

يانفسى ليه مبتتعبيش

ولا تنتهى ولاتهربيش 

دا الدنيا زى المهلكات

كل الحنان راح اوهجر

وانا وانتى لسه بالطريق 

ماشين على ضوء القمر

ولف الظلام مبنعلموش

وانا وانتى مأوانا الشجر

وبتعلمى غدر الزمن

لما الجميع ليكى هجر

*******

وانا وانتى لسه بالطريق

مشوار طويل كتبه القدر

نفضل نعانى بالطريق

همس السفيه. ألم الحجر

بس النهارده بتدمعى

زاد الشـــقى فتدمعى

كونى معى 

واياك ليعمــيكى البطر

اصل الحياة بحر وطريق

فيها اللى عاش حد السفه

فيها الغريق

فيها اللى ربه بيكرمه

وبيحرسه طول السفر

*********

يانفسى هدى لوعتك 

واتبسمى

بكره هيطلع النهار تتعلمى

ان الحياة حبة مرار

وحبة تسطع كالقمر

وقت الرحيل مابينتهى

تروينا قطرات المطر

وساعتها بس استمتعى

هتكونى نعى بكلمتين 

وسط الخبر

................. احمد عامر ...................

ننوه ان ماينشر حق مسجل بالهيئات المنوطه بذلك 37501/2018 س م ب

جوة خيط العنكبوت للشاعر احمدعامر

........... جوه خيط العنكبوت ......... 

ورده حمرة 

جوا بيت العنكبوت

قاعدة تصرخ 

كتمه سرجوة صوت

زى قمح إشتد عوده

والسنابل راح تموت

بس لسه ريحتها فيها

حتى لو بيوم تموت

هى دى كل الحكايه

كلنا الورده اللى ماتت

والحياة العنكبوت

********

مهما تعمل أى شىء

مش هتاخد منه شىء

الحياة هى الحياة

تيجى بيها شىء ضعيف

واما تكبر راح تموت

تبقى وارث الف حاجه

يبتدى معاك الهبوط

تلقى حد يقول مبارك

كلت قمحك ؟ أما جسدك

أحلى وجبه لطن دود

********

يبقى عملك . للى عملك

واللى ملكك .اللى خلقك

كنت عنه كتير تطنش

وإنقطع حبل الوعود

كنت تسرق كنت تزنى

كنت تقتل لأ وتنفى

واما تمرض 

كنت تنده للإلة

واما تبقى الصحه عال

تختلف كل العهود

كنت بطلب بس رحمه

رغم فقرى ورغم ضعفى

كنت تجبر رغم انفى

كنت تصرخ الف صوت

أما إنت اليوم بإيده

جوة خيط العنكبوت

********

سبت وردك بالحياه

والحرام مالى حشاة

إبنك إنت يوم مماتك

كان بيسجد للإلة

أصله وارث كل مالك

أما موتك لة نجاة

مهما تنده روح لحالك

إيه جانيته من الحياة

كنت ظالم 

والإلة للظلم عالم

والنهاردة للمظالم

وإنت نايم ف التابوت

جثه هامده 

جوة خيط العنكبوت

........... احمدعامر .............

ننوة ان ماينشر حق مسجل بالهيئات المنوطه بذلك10418/2018 س م ب

هوده المصرى ياعم للشاعر احمد عامر

تحيامصر للشاعر احمدعامر

يادنيا ضمينا للشاعر احمدعامر

........... يادنيا ضمينا ...........

متنتظرش ياقلبي 

ان اللى راح هيعود

مع انه كان دمى

قام بالجفى بيجود

ولاعمرة مرة بكى

ولاهمه انى اشتكى

ولاكأنلى وجود

يادنيا ضمينا

خلى الدفى فينا

يمكن تداوينا

من الاسى بالجود

اه م الاسى لما

لما القلوب لما

ولاحتى يتسمى

الحب شىء موجود

بقى يبقى بالزمه

الحب للعــــــامه

والضحك ف اللمه

وكأنى شىء مرفوض

اشكى لمين همى

بعد اللى ضاع منى 

وحزنى ملهش حدود

يادنيا ضمينا

خلى الدفى فينا

يمكن تداوينا

بدل الاسى بالجود

يا وحده ضمينا

يا وحده دارينا

ع الحب لما يموت

خلى الهوى يرحل

وننسى ماضينا

والعمر أهو بيفوت

يمكن يكون باقى

حبة دفى فينا

وربك المعبود

مع انه كان منى

روحى وحشى دمى

بس اللى راح مايعود

يادنيا ضمينا

خلى الدفى فينا

يمكن تداوينا

من الاسى بالجود

................. احمدعامر .....................

ننوة ان ماينشر حق مسجل بالهيئات المنوطه بذلك 15390/2018 س م ب

ايواحاسس للشاعر احمدعامر

........... أيوا حاسس ...........

اللى حــبك كان أنا 

واللى عشقك هوانا

واللى داب 

ف حضن قلبك برضه انا

وانا 

اللى عاشق كل وجعك 

كل صمتك

لما تيـــــجى وتحاكينى

نظرة واحده من عنيكى

ببقى حاسس المعانى

بأى همســــه تدوبينى

ببقى عارف ليه بحبك

ببقى عارف ليه تجينى

تحكى كل شىء بصمتك 

جوه قلبــك بتلاقينى

تحكى كل شى واحسه

تلقى اسمك فوق جبينى

اه ياقلبي لما اضمك

القى حضنك بيساعينى

وانتى جايه بلحظه صعبه

والقى بوسه فوق جبينى

بنسى كل الكون دا كله

الا وانتى بتحضنينى

ببقى تايه جوه حصنك

رغم صمتك

ببقى حاسس بتنادينى

تهمسيلى

ان حبى بين ضلوعك

رسمه همسى او حنينى

ايوا حاسس

كل همسه وكل لمسه

وانتى ديما تنظريلى

ايوحاسس

انتى عمرى وانتى قمرى

وانتى شمسى 

اللى ديما تتبعينى

ايوا حاسس

ان حبك هو قلبى

حتى وانتى بتوجعينى

.................. احمدعامر ......................

ننوه ان ماينشر حق مسجل بالهيئات المنوطه بذلك 27910/2018 س م ب

خلى الامل يبقى وتد للشاعر احمدعامر

.......... خلى الامل يبقى وتد ...............

خلى الامل يبقى وتـد 

بالارض يمكــــــن ترجعى 

ولو يزول حلم الامل 

عمرك بيـــــــوم ماتجمعى 

نزل الندى 

غسل التراب من ع الشجر

وانتى لســـــــــــه بتوجعى 

وامتى هيكون الوفا 

لو كنتى صامته بتسمــعى 

حبه كلام وكتير عبر 

ع الراس مـــرار بتودعى

والدنيا زيف وبدون امل

ديما اكيــــــــــــد تتوجعى 

ليه بتحلمى بكبش فدا

ف الحــــــــلم ليه بتودعى

خلى الامل ورده وثمر

يمكن يجمـــــعنا القدر

اوعى بيــــــــوم تتسرعى

وحتى لو كان الوداع

اهو عشنا يوم جوه الامل

كنتى الامــــــيرة بمرتعى

بس اسمعى

اوعى بيوم تبقى بدل

وبحــــــــــــلمنا تتصتعى

يمكن يكون من ربنا

تيجى بيــــــــــوم تتربعى

وانتى بحضنى بتحلمى

وانا لسه برضه بموضعى

ومنتظر فيكى الرجا

انك بيــوم متبعديش

أوتحــــــــزنى أو تدمـعى

انا نفسى فيكى مكــــمله

وللبعاد بتصبرى متحمله

اصل النصيب هو القدر

اما القــدر كان موضعى

خلى الامل يبقى وتد

بالارض يمــكن ترجعى

.................... احمدعامر ..................

ننوه ان ماينشر حق مسجل بالهيئات المنوطه بذلك 228287101/2017 س م ب

منذ سنتي

وقلبى فاتح ابوابه للشاعر احمدعامر

برج الحمام انكسر للشاعر احمدعامر

شوفتوا الكاس للشاعر احمدعامر

................... شوفتوا الكاس ..................

وما النصر الا من عندالله 

___________

شوفتوا الكاس الحلـو ياناس

اللى وجـوده أروع م الماس

جابه ولادنا لبيته وصيته

ومصر بلادى اصـول واساس

واللى نصـــرنا الله اكبر

نصر ولادى اـمل احساس

حط الكاس جـــوة الجبلايه

كل فريقـــــنا عاوز ينباس

واما الكـارة نصر بلادى

تحت الجـزمه وهـينـــداس

افرح غنـى وبات متهـنى

مصر بلدنا قلـوب من ماس

.............................. احمدعامر

أعجبني

أعجبني